Sola mai fo’i Tumua ma Pule, Āiga Fealofani ma le Ipu a le Kovana.

Sui o le Asosi Fusu a Tumua ma Pule, Āiga Fealofani

Sui o le Asosi Fusu a Tumua ma Pule, Āiga Fealofani

O le Asosi Fusu a Tumua ma Pule, Āiga Fealofani lea o lo’o Peresetene ai le Afioga ia Leituala Fifita Tapusoa, na toe sola mai ma le Ipu a le Kovana o Amerika Samoa i le vaiaso ua mavae.

O le afioga i le ta’ita’i malaga ia Papali’i, Falaniko Ailao, Poutea Hall fa’atasi ai ma le afioga i le Failautusi susuga ia Lautapa’a Ofe Wong King sa umalaga fa’atasi ai ma alo ma fanau ta’aalo e to’a 13 i latou sa malaga atu ai mo le fa’amanatuina ai o le Fu’a o Amerika Samoa ma saunia ai lava mo a latou ta’aloga o le fusu.

O a latou ta’aloga nei sa fuafua ai lava le malaga uma ai o alo ma fanau e to’a 13 mai le iva(9) tausaga le matua seia o’o atu i le 22 tausaga o le matutua o fanau sa fusu.

O lenei to’a13 e pei ona fa’ailoa mai ai e le afiog ia Lautapa’a, e na’o le to’a valu paga sa ta’aalo, sa le’i mafai ona ta’aalo uma le to’a13 o fanau nei sa malaga ona sa le’i mafai ona maua nisi o alo ma fanau o Amerika Samoa e paga ai ma fnau a le tatou atunu’u lea sa malaga atu.

O se tala fiafia ma le iuga o ta’aloga a nai alo ma fanau o le tatou atunu’u a le Asosi o Tumua ma Pule, o fanau nei e to’avalu sa ta’aalo e to’afa i latou sa pine auro, ma o i latou nei e aofia ai le ali’i o :

  1. Petelo Matagi
  2. Ekenasio Ailao
  3. Senoa Hall
  4. Ropati Hall

O le isi to’afa sa maua a latou pine siliva, e aofia ai le ali’i o :

  1. Aukusitino Faafua
  2. Ligi Sitolo
  3. Henry Tyrell
  4. Fifita Leituala

O nisi ia o iuga o nai alo ma fanau o le tatou atunu’u sa malaga atu ai i Amerika Samoa mo le latou Fa’amoemoe i vaiaso ua mavae, lea ua toe a’e manuia o latou faiva, ona o le nofo tapua’i a matua ma aiga, aemaise ai lo tatou atunu’u.

I le taimi nei ua lua ipu a le Kovana ua seia mai e le Asosi o Tumua ma Pule, e pei o le ipu muamua sa maua mai i le tausaga 2011, fa’atasi ai ma le Ipu o le tausaga 2014 lea ua maua e alo ma fanau o le Asosi o Tumu ma Pule Aiga Fealofani.

Na saunoa Lautapa’a, o le tulaga ua i ai nei le ta’aalo o alo ma fanau o le latou Asosi ua fai si maualuga lava, ma o lo’o ua i ai le fa’amoemoe o le Asosi e sauna ma tapenapena mo ta’aloga tele nei ua loma i le masina o Setema.

Related Posts

  • Post Image
  • Post Image

Social Icons