Ono (6) pule i le ola faamauina le masina nei.

O se matāupu ua amata fo’i ona toe oso fa’afa’ama’i i le masina nei o Aperila, lea o lo’o  fa’amauina nei e le Matagaluega o Leoleo  ua toe amata fo’i ona toe vaaia, peita’i o le to’atele lava o i latou nei ua maliliu pule le ola, e mafua mai ona o ni feseeseaiga ma matua, e ala i le fa’alili’i ai i le otegia e matua.

O le vaiaso ua mavae e tusa ma le 315 le aofa’i o matāupu fa’atoai atu ai i le Matagaluega o Leoleo  e aofia  ai ma le 199 o galuega fesoasoani a leoleo fa’atasi ai ma le 116 o matāupu o lo’o fa’ataunu’u  su’esuega mo le fa’amasinoga, lea e iai matāupu  nei  tolu tau i le  pule le ola sa lipotia mai ai e le Ofisa o Leoleo. O nei matāupu uma na saunoa ai le susuga ia Su’a,  o lo’o mana’omia ai lava e le Matagaluega se fesoasoani ma le lagolagosua a le mamalu o le atunu’u, aemaise ai fo’i le Fa’alapotopotoga a le Fa’ataua le ola, i ni vaifofō e ono fōia ai nei fa’afitauli. E le gata i lea, ae na fa’ailoa mai e le susuga ia Su’a, o le a taumafai lava le Matagaluega e faia ni auala ma ni fa’alauiloa e fa’ailo ma fōia ai nei fa’afitauli ma fa’aitiitia ai, ona o lo’o mātauina pea, o le tele lava o maliu pule i le ola e mafua mai i le ote a mātua ma teena le fa’atonuga a matua, ma ave ai ma ala e o ai nisi ua sisi o latou ua.

Related Posts

  • Post Image
  • Post Image

Social Icons